शेगांव -प्रवास

शेगांव-प्रवास मार्गदर्शन

शेगांव येथे येण्याकरीता रेल्वे मार्ग, रस्ता मार्ग (बससेवा) आणि हवाई मार्गाचा वापर करून 'श्रीं'च्या दर्शनार्थ येणे सहजशक्य आहे.

रेल्वे मार्ग

शेगांव हे मध्य रेल्वेच्या मुंबई-नागपूर मार्गावरील 'ब' वर्गाचे स्टेशन आहे. स्टेशन परिसरामध्ये श्री संस्थेचा चौकशी कक्ष असून, येथे येणाऱ्या दर्शनार्थी भक्तांसाठी सुयोग्य मार्गदर्शनाची सोय तसेच सेवार्थ बससेवा उपलब्ध आहे.

रस्ता मार्ग

राष्ट्रीय महामार्ग क्र. ०६ शेगांवच्या दक्षिणेस १६ कि.मी. अंतरावर आहे. समृद्धी महामार्गाने प्रवास करणाऱ्या भक्तांना मेहकर व शेलू मार्गाने शेगांव येथे पोहोचता येते. शेगांव हे महाराष्ट्रातील प्रमुख शहरे तसेच तीर्थक्षेत्रांशी परिवहन महामंडळाच्या बसेसद्वारे जोडलेले आहे. नजिकच्या गुजरात, मध्यप्रदेश या प्रांतातूनही आंतरराज्य परिवहन बसेसद्वारे शेगांव येथे पोहोचता येते.

हवाई मार्ग

शेगांवपासून सुमारे ०५ तासांच्या अंतरावर नागपूर व छत्रपती संभाजीनगर (औरंगाबाद) येथे हवाई तळ (एअरपोर्ट) आहे. या हवाई तळ परिसरातून रेल्वे अथवा रस्ता मार्गे शेगांव येथे येण्याची सोय आहे.